15/04/2009

Ur goulenn hag a vez savet alies eo ‘Petra a dalvez an anv "Llydaw"’?



Kenneth Jackson en e levr Language and History in Early Britain (Edinburgh, 1953, ademb. 1971), rannbennad 47, pajenn 375-6, a ginnig e tarzh diwar *Litawia. Heuliañ a ra Ifor Williams, Breuddwyd Macsen (Bangor, 1927) hag R. J. Thomas, Enwau Afonydd a Nentydd Cymru, i (Cardiff, 1938).

Krediñ a c’haller e kaver ar memes elfenn en anv saoznek Latvia, d.l.e Letonia e brezhoneg. Gallout a rafe talvezout kement ha ‘douaroù war glann an dour’. ‘Ce mot a peut-être le sens de littoralis’, eme Joseph Loth en e Vocabulaire Vieux-breton (Paris, 1884; ademb. 1970), pajenn 176.

Al liamm gant an dour, marteze, a zisplegfe ivez perak e kaver Llydaw ivez en anv Llyn Llydaw, en Eryri (Snowdonia), e Kembre. Ar ster a glotfe c'hoazh gant an anv all war bentir Breizh, d.l.e. Arvor (aremoricus).

No comments: