Echu gant ar c'henderc'hiñ aluminiom war Enez-Von

Labouradeg Aliwminiwm Môn zo bet a bouez bras evit ekonomiezh Enez-Von met adalek hiziv ne vo ket ken teuzet ar c'hailh aluminiom eno, ha 390 a dud a gollo o fost-labour. (Kement ha 500 a oa gwechall.) Kaer o deus stourmet ar vicherourien hag ar bolitikourien da zerc'hel digor al labouradeg.

Abalamour ma n'eus ket bet kavet ur pourvezdur tredan marc'had-mat eo e vo serret al labouradeg, a zo war an enezenn abaoe 40 vloavezh. Kreizenn Nukleel yr Wylfa zo erru kozh ha daoust ma c'haller krediñ e vo savet ur greizenn nevez eno, n'eo ket sur pegoulz e vo graet, hag ez ofisiel n'eus bet divizet netra c'hoazh.

luc'hskeudenn:
http://newsimg.bbc.co.uk/media/images/44743000/jpg/_44743241_alimon203.jpg